Jelanan Sutra
Admin dap | 06 Februari 2015 | 1570 kali
Oleh. Kadek Duwika, S.E
Ampakang jelanane cening
Galang apadang
Pipise ngenah aketeng
Nanging melahang........
Jalan likad rurung buntut
Undage megantung di rasa
Widine nutug di acepan
Di pura maganti
Ampakang jelanane cening
Apang tepuk titine maapitakep
Ditu legane mapunya
Kertine dadi buah
Eda engsap............
Segarane kaad kebek
Anggine baret enduh
Lurug pang rata
Tali kendate pekek
Ampakang jelanane cening
Pang kanti metungked gumpang
Sidi-sidi indangang
Ila-ila
Wak........... A Wak
Kaya-kaya
Paripurna..... ditu suwargane cening
Ubet jelanane....
